श्री शिवाजी महाविद्यालय,अकोला

कृतज्ञ झलक :

१९६३ साली एका छोट्याशा इमारतीत हे महाविद्यालय स्थापन झाले.तेव्हा ह्या अंकुराला दोनच पाने फुटली होती,एक कला दुसरे वाणिज्य...२०१३ मध्ये हे महाविद्यालय आपले सुवर्ण महोत्सवी वर्ष साजरे करीत आहे...गेल्या पन्नास वर्षात ह्या महाविद्यालयाच्या प्रगतीचा आलेख सातत्याने उंचावत गेला. आज कला,वाणिज्य,विज्ञान,गृहविज्ञान आणि व्यवस्थापन अशा पाच शाखांनी हा ज्ञानवृक्ष चहुबाजुंनी बहरला आहे.भव्य इमारतींच्या विशाल परिसरात येथे तीस विभागात पाच हजार विद्यार्थी ज्ञानार्जन करतात.संत गाडगेबाबा अमरावती विद्यापीठातील सर्वात मोठे महाविद्यालय अशी ह्या महाविद्यालयाची ख्याती आहे. शिक्षणासोबत वर्षभर चालणार्‍या सामाजिक,साहित्यिक,सांस्कृतिक,क्रीडा उपक्रमांनी केलेले संस्कार ही विद्यार्थांना आयुष्यभर पुरणारी शिदोरी आहे.त्याची ही एक कृतज्ञ झलक...